Safe Spaces Performance_ 1+1=_ – عرض_ 1+1=؟

1 + 1 = ؟
عرض نتاج ورشة «مساحة أمان»
هو الأمان بيتعمل؟ ولا بيتلاقى؟ ولو شخصين واقفين في نفس المكان… هل بالضرورة هيحسّوا بنفس الأمان؟
إحنا طول الوقت بنحاول نلاقي مساحة نحس فيها إننا مرتاحين، مسموعين، ومسموح لنا نكون على طبيعتنا.
بس قبل ما نسأل: إزاي نلاقي الأمان؟ يمكن لازم نسأل الأول: هو الأمان إيه أصلًا؟
هل الأمان معادلة؟ نعمل حاجة → نحس بحاجة؟ ولا كل شخص عنده معادلته الخاصة؟
وهل الأمان الحقيقي موجود جوانا… ولا هو حاجة بنفضل ندور عليها برّه؟
1 + 1 = ؟
هو عرض نتاج ورشة «مساحة أمان»، بنشارككم فيه مجموعة من المشاهد اللي صنعناها باستخدام الفنون والتقنيات المختلفة اللي اشتغلنا عليها خلال الورشة.
لكن التجربة مش هتكون مسرحية تقليدية…
العرض هيحصل جوّه شقة.
وإنت مش هتكون مجرد متفرج قاعد في مكانه.
هتدخل المساحة، وتتحرك بينها، وتتنقل وسط المشاهد والممثلين، وتشوف الحكايات من مسافات وزوايا مختلفة.
المكان نفسه جزء من العرض، ووجودك جواه جزء من التجربة. إحنا مش بنقدم إجابة جاهزة. إحنا بنحاول نحل المعادلة مع بعض…
1 + 1 = ؟
يمكن نطلع بإجابة. يمكن نطلع بأسئلة أكتر. ويمكن كل واحد فينا يطلع بمعادلته الخاصة.